२८ साउन, काठमाडौं ।
एनसेलको सेवा पुनः संचालनमा आएको छ ।
सोमबार दिउँसो एनसेल (ncell) को सेवामा अचानक समस्या देखापरेको थियो। एनसेलको सिम प्रयोगकर्ताहरूले फोन नलाग्ने, डेटा नचल्ने, र टावर नदेखाउने समस्याहरू देखापरेको थियो।
यसैबिच एनसेलले एक सूचना जारी गर्दै आफ्नो सेवाहरूमा पूर्णरुपमा पुनः संचालनमा आएको जानकारी समेत गराएको छ ।
“आज दिउँसो अप्टिकल फाइबरहरु काटिएर अवरुद्ध भएका सेवाहरु हाम्रो प्राविधिक टोलीको अथक प्रयासका कारण छोटो समयामा नै पूर्णरुपमा पुनः संचालनमा ल्याउन सफल भएको जानकारी गराउँन चाहन्छौं ।
सेवा अवरुद्ध हुँदा पर्न गएको असुविधाका लागि हामी क्षमाप्रार्थी छौं,” कम्पनीले जनाएको छ ।
