११ भदौ, काठमाडौं ।
एमएडब्लू वृद्धिले डङफेङ कर्पोरेशनद्वारा उत्पादित नामी इभी गाडीका तीन मोडलहरू नेपालमा लञ्च गर्यो। यी गाडीहरू ३० लाखदेखि ३५ लाखसम्मको मूल्यमा उपलब्ध छन्, जसमा उत्कृष्ट फिचर र आधुनिक प्रविधि समावेश छ।
MW Motors Nami Electric Cars in Nepal
मध्यमवर्गलाई लक्षित गर्दै एमएडब्लू वृद्धिले चिनियाँ कम्पनी डङफेङ कर्पोरेशनले उत्पादन गरेको विद्युतीय गाडी नामी बिहीबार नेपाली बजारमा सार्वजनिक गरेको हो। राम्रो फिचर भएको नामीको मूल्य सस्तो रहेको छ । नेपालमा एमएडब्ल्यु वृद्धिले नामीको तीन वटा मोडलमा गाडीहरु सार्वजनिक गरेको छ । मोडलअनुसार गाडीको मूल्य भने फरक रहेको छ ।
बिहीबार सार्वजनिक गरिएको गाडीमा नामी ई–१ को २९ लाख ९९ हजार, नामी ई–२ को ३१ लाख ९९ हजार र नामी ई–३ को ३४ लाख ९९ हजार मूल्य तोकिएको छ । नामीमा एक कम्प्याक ईभी गाडी हो। यसमा धेरै सेग्मेन्ट फस्ट प्रिमियम फिचर छन्। यसको एक्टेरियरमा फ्रमलेस डोर, फ्लस डोर ह्यान्डल, फ्लोटिङ कन्ट्रास रुफ जस्ता फिचर छन्।
यसको इन्टेरियरमा डाइमण्ड क्लील्टेड ड्यासबोर्ड, ३६० डिग्री क्यामरा, १२ इन्चको सेन्टर टचस्क्रिन डिस्प्ले, ५ इन्चको ड्राइभर इन्फर्मेसन डिस्प्ले, अटोमेटिक पार्किङ, एड्भान्स एडास सिस्टम, इन्टेलिजेन्ट भोइस कन्ट्रोल, ३२ कलरको एम्बीयन्ट लाइट, वायरलेस फोन चार्जर, इलेक्ट्रीक एड्जस्टेबल फ्रन्ट सिट पाइने कम्पनीले जनाएको छ।एमएडब्ल्युले नेपाली बजारमा ३१.५ र ४२.३ किलोवाट आवरको दुई ब्याट्री एलएफपी अप्सनमा रहेको जानकारी दिएको छ । कम्पनीका अनुसार नामी बक्सको ठूलो ब्याट्री अप्सनले ३१० किलोमिटरको रेन्ज दिने बताइएको छ।
कम्पनीका अनुसार नामी ए –१ मा ७० किलोवाटको मोटर जडान गरिएको छ। जसले ९४ हर्सपावर तथा १६० न्यूटन मिटरको टर्क जेनेरेट गर्छ। नामीको टपस्पीड प्रतिघण्टा १ सय ४० किलोमिटर छ। नामी इभी उत्पादक डङफेङ मोटर कर्पोरेशन लिमिटेड राज्य स्वामित्वको चिनियाँ अटोमोबाइल निर्माता हो ।
यसको मुख्यालय हुवेइ प्राप्तको वुहानमा छ । सन् १९६९ मा स्थापित यो हाल एसएआइसी मोटर, चाङ्गन अटोमोबाइल र एफए ग्रुप भन्दा तल रहेको छ । गत वर्ष ६ लाख ७१ हजार गाडी बिक्री गरेको कम्पनी चीनको ‘बिग फोर’ कार निर्माता कम्पनी हो ।
MW Motors Nami Electric Cars in Nepal
