मुक्तिनाथ कृषि कम्पनीले ४५.३६ लाख कित्ता हकप्रद शेयर निष्काशन गर्दै, बिक्री प्रबन्धकमा नेपाल लाइफ क्यापिटल
४ पुस २०८२, काठमाडौं ।
मुक्तिनाथ कृषि कम्पनी लिमिटेडले विद्यमान चुक्ता पूँजीको आधारमा १ः०.६ अनुपातमा प्रति शेयर रु. १०० अंकित दरका ४५ लाख ३६ हजार कित्ता हकप्रद साधारण शेयर निष्काशन गर्ने भएको छ। कम्पनीले हकप्रद शेयर निष्काशन तथा बिक्री प्रबन्धकका रूपमा नेपाल लाइफ क्यापिटल लिमिटेडलाई नियुक्त गरेको छ।
पौष ३ गते काठमाडौंको बसुन्धारास्थित कार्यालयमा सम्पन्न कार्यक्रममा दुवै संस्थाबीच सम्झौता सम्पन्न भएको हो। कृषि क्षेत्रको व्यवसायिक विकासमा अग्रणी मुक्तिनाथ कृषि कम्पनी कृषक, प्रविधि, प्रशोधन उद्योग र उपभोक्तालाई जोड्ने संस्थागत मूल्य श्रृंखला व्यवस्थापकका रूपमा कार्यरत छ।
हकप्रद शेयर निष्काशनमार्फत कम्पनीले पूँजी संरचना मजबुत बनाउँदै कृषि उत्पादन, सेवा र बजार विस्तारमा थप लगानी गर्ने लक्ष्य लिएको छ।
मुक्तिनाथ कृषि कम्पनी लिमिटेडले हकप्रद शेयर जारी गर्ने भएको छ । कम्पनीले हाल कायम चुक्ता पूँजी रु. ७५,६०,००,००० बराबरको प्रति शेयर रु.१०० अंकित दरका ७५,६०,००० कित्ता साधारण शेयरको १ः ०.६ (अर्थात विद्यमान १ कित्ता साधारण शेयर बराबर नयाँ ०.६ कित्ता साधारण शेयर) को अनुपातमा रु.४५, ३६, ००,००० बराबरको प्रति शेयर १०० अंकित दरका ४५, ३६, ००० कित्ता हकप्रद साधारण शेयर निष्काशन गर्न लागेको हो।
कम्पनीले हकप्रद शेयरका लागि निष्काशन तथा बिक्री प्रबन्धकमा नेपाल लाइफ क्यापिटल लिमिटेडलाई नियुक्त गरेको छ ।
Advertisement
आज पौष ३ गते बिहीबार मुक्तिनाथ कृषि कम्पनी लिमिटेड बसुन्धारा, काठमाडौं स्थित कार्यालयमा सम्पन्न एक कार्यक्रमका बीच कम्पनीले नेपाल लाइफ क्यापिटललाई शेयर निष्काशन तथा बिक्री प्रबन्धकमा नियुक्त गरेको हो।
सम्झौता पत्रमा मुक्तिनाथ कृषि कम्पनी लिमिटेडका तर्फबाट नायब प्रमुख कार्यकारी अधिकृत रामशरण तिमल्सिना तथा नेपाल लाइफ क्यपिटल लिमिटेडका तर्फबाट प्रमुख कार्यकारी अधिकृत मनिष घिमिरेले हस्ताक्षर गरेका छन्।
मुक्तिनाथ कृषि कम्पनी लिमिटेडले नेपालको कृषि क्षेत्रको व्यवसायिक विकासका लागि कृषक र उपभोक्ताहरुलाई जोड्न संस्थागत मुल्य श्रृंखला व्यवस्थापकको रुपमा कार्यरत अग्रणी कम्पनी हो ।
कम्पनीले कृषकहरुको लागि आवश्यक उत्पादनका साधनको उपलब्धता, परामर्श सेवा, प्रविधि प्रसार, प्रशोधन उद्योगहरुको विकास र उपभोक्ताहरुलाई स्वस्थ, गुणस्तरीय र पोषिलो कृषि उत्पादनहरु उपलब्ध गराउने सम्बन्धि व्यवसाय गरिरहेको छ।
नेपाल लाइफ इन्स्योरेन्स कम्पनी लिमिटेडको सहायक कम्पनी नेपाल लाइफ क्यापिटल लिमिटेड धितोपत्र बोर्डबाट लगानी व्यवस्थापन, धितोपत्र प्रत्याभूती, निक्षेप सदस्य सेवा, योजना व्यवस्थापक, डिपोजिटरी सेवा, संस्थागत परामर्श, शेयर रजिष्ट्रेशन र निष्काशन तथा बिक्री प्रबन्ध गर्ने अनुमती प्राप्त मर्चेन्ट बैंकिङ्ग संस्था हो ।
For more: Muktinath Krishi Right Shares
