मुक्तिनाथ विकास बैंकद्वारा लाभांश घोषणा
२ असोज, काठमाडौं।
मुक्तिनाथ विकास बैंकले आर्थिक वर्ष २०८१/८२ का लागि लाभांश घोषणा गरेको छ। बैंकको भदौ ३१ गते बसेको सञ्चालक समितिको बैठकले सेयरधनीलाई वितरण गर्ने लाभांश प्रस्ताव गरेको हो।
घोषणाअनुसार बैंकले हाल कायम चुक्ता पुँजीको १३.५३ प्रतिशत बोनस सेयर र कर प्रयोजनका लागि ४.६७ प्रतिशत नगद लाभांश वितरण गर्ने प्रस्ताव गरेको छ। यसरी बैंकले कुल १८.२० प्रतिशत लाभांश सेयरधनीलाई दिने भएको छ।
उक्त लाभांश प्रस्ताव नेपाल राष्ट्र बैंकको स्वीकृतिपछि र कम्पनीको आगामी साधारणसभाले पारित गरेपछि मात्र कार्यान्वयन हुनेछ।
यसअघि पनि मुक्तिनाथ विकास बैंकले स्थिर लाभांश वितरण गर्दै लगानीकर्ताको विश्वास कायम राख्दै आएको छ।
For More:-Muktinath Bikas Bank Dividend 2025
