२३ असार, काठमाडौं।
ट्रष्ट माइक्रो इन्स्योरेन्स लिमिटेडको नयाँ सञ्चालक समितिमा पुनः जगत पोखरेलकै नेतृत्वमा पुरानै सञ्चालक सदस्यहरु निर्वाचित भएका छन्।
कम्पनीको प्रथम साधारण सभाले सर्वसाधारणका लागि आगामी आर्थिक बर्षमा #IPO जारी गर्ने प्रस्ताव पारित गरेको छ।
लुम्बिनी प्रदेशका ग्रामिण भेगमा बीमा सेवा विस्तार गर्ने योजना रहेको ट्रष्ट माइक्रो इन्स्योरेन्सले मोबाइल भ्यान मार्फत घुम्ती बीमा सेवा सुरु गरेको छ।
अध्यक्षमा निर्वाचित पोखरेल लघुवित्त महासंघ नेपाल, भिजन लुम्बिनी कम्पनी लिमिटेड, भिजन लुम्बिनी उर्जा कम्पनी लगायतका कम्पनीको संस्थापक तथा वहालवाला अध्यक्ष हुनुहुन्छ भने आरम्भ चौतारी माईक्रो फाईनान्सको संस्थापक अध्यक्ष र लुम्बिनी मेडिकल कलेजको संस्थापक छन् ।
माइक्रो इस्स्योरेन्सको साधारण सभाले आगामी आर्थिक बर्षमा सर्वसाधारणका लागि आइपीयो जारी गर्ने प्रस्ताव समेत पारित गरेको कम्पनीका उप कार्यकारी प्रमुख अधिकृत विश्वजन थापा श्रेष्ठले जानकारी दिए ।
बुटवलमा प्रधान कार्यालय र काठमाडौमा कर्पोरेट कार्यालय रहेको कम्पनीले लुम्बिनी प्रदेशका ग्रामिण भेगका सर्वसाधारणलाई बीमाको पँहूचमा ल्याउने उद्धेश्यले घुम्ती बीमा सेवा सुरु गर्ने निर्णय पनि गरेको छ।
घुम्ति बीमा सेवाका लागि कम्पनीका नेपाल विमा प्राधिकरणका लुम्बिनी प्रदेश प्रमुख पुर्ण वहादुर थापा, कम्पनीका अध्यक्ष पोखरेल र प्रमुख कार्यकारी अधिकृत उज्जवल ढुङ्गानाले संयुक्त रुपमा मोवाईल भ्यानको समेत उद्घाटन गरेका थिए ।
मोवाईल भ्यान मार्फत सर्वसाधारणलाई उनीहरुकै टोल छिमेकमा पुगेर तत्कालै बीमालेख उपलब्ध गराउने तथा बीमा दाबी प्रकृयाको बारेमा सचेतना सहितको सेवा कम्पनीले दिने सिइयो ढुंगानाले बताए ।
गत चैत्र ९ गतेदेखि औपचारिक रुपमा बुटवलबाट सेवा सूरु गरेको ट्रष्ट माइक्रो इन्स्योरेन्सले देशभरका झण्डै १ दर्जन शाखा तथा उपशाखा मार्फत सेवा प्रदान गर्दै आएको छ ।
सेवा शुभारम्भ गरेको छोटो समयमै राम्रो कारोवार गर्न सफल यस माइक्रो इन्स्योरेन्सले ७ लाख सम्मको सामुहिक तथा व्यक्तिगत दुर्घटना विमा, ५० लाख रुपैया सम्मको घर, सम्पत्ति र सावारी साधन विमा सेवा दिने गरेको छ ।
