आइजीआई प्रुडेन्सियल इन्स्योरेन्स लिमिटेडको नयाँ भवन IGI Complex को भव्य उद्घाटन सम्पन्न
१५ फागुन, काठमाडौँ।
आइजीआई प्रुडेन्सियल इन्स्योरेन्स लिमिटेडको नयाँ केन्द्रीय कार्यालय IGI Complex को भव्य समारोहका बिच शुभारम्भ गरिएको छ। कम्पनीको संस्थागत सुदृढिकरण, सेवा विस्तार र प्रविधिमैत्री पूर्वाधार विकासको लक्ष्यलाई मुर्त रुप दिने उद्देश्य सहित निर्माण गरिएको यस अत्याधुनिक भवनको संयुक्त रुपमा रिबन काटी उद्घाटन गरिएको छ।
उक्त शुभअवसरमा कम्पनीका अध्यक्ष हेम राज ढकाल, नेपाल बीमा प्राधिकरणका कार्यकारी निर्देशक सुशीलदेव सुवेदी, नेपाल उद्योग वाणिज्य महासंघका अध्यक्ष तथा यस कम्पनीका संस्थापक शेयरधनी चन्द्र प्रसाद ढकाल तथा नेपाल बीमा प्राधिकरणका निवर्तमान अध्यक्ष, कम्पनीका संचालक समितिका पदाधिकारीद्वारा संयुक्त रुपमा रिबन काटी भवनको उद्घाटन गरिएको थियो।
काठमाण्डौँ महानगरपालिका, वडा नम्बर ३, पानीपोखरी स्थित २ रोपनी ६ आना २ पैसा ३ दाम जग्गामा करिब ६० हजार वर्गफिटमा २ तल्ला पार्किङ्ग सहित १२ तल्लाको भव्य भवन उद्घाटन समारोहलाई सम्बोधन गर्दै कम्पनीका अध्यक्ष हेम राज ढकालले भवनले कम्पनीको आगामी रणनीतिक लक्ष्य, दिगो विकासको प्रतिवद्धता, ग्राहक केन्द्रीत सेवामा थप ऊर्जा प्रदान गर्ने, विश्वसनीयता, पारदर्शिता र नवप्रवर्द्धनमा आइजीआई प्रुडेन्सियलले सधैँ अग्रसर रहने बताउनुभयो। समारोहमा श्री ढकालले नवनिर्मित भवन आधुनिक डिजाइन, सुविधा सम्पन्न कार्यक्षेत्र, डिजिटल सेवा प्रणाली तथा सेवाग्राही मैत्री वातावरण सहित तयार गरिएको र यस मार्फत कम्पनीले छिटो, प्रभावकारी र विश्वसनीय“ बीमा सेवा प्रदान गर्ने लक्ष्य लिएको जानकारी दिनुभयो।
सोही अवसरमा नेपाल बीमा प्राधिकरणका निवर्तमान अध्यक्ष प्रो.डा. फत्तबहादुर के.सी. ले शुभकामना मन्तव्य व्यक्त गर्दै कम्पनीको यो विशाल प्रगति भएकोमा आफू हर्षित भएको र कम्पनीको उत्तरोत्तर प्रगतिको शुभकामना दिनुभयो।
सोही अवसरमा नेपाल बीमक संघका अध्यक्षद्वारा कम्पनीको यो स्तरको भवनले सम्पूर्ण बीमा क्षेत्रलाई नै गौरवान्वित बनाएको र बीमा क्षेत्रमा कम्पनीको आगामी दिन अझै प्रगतीउन्मुख रहोस् भनि शुभकामना दिनुभयो।
उक्त अवसरमा नेपाल उद्योग वाणिज्य महासंघका अध्यक्ष, आइएमई ग्रुप अफ कम्पनीका अध्यक्ष तथा यस कम्पनीका संस्थापक शेयरधनी चन्द्र प्रसाद ढकालले विगत ११ बर्षमा कम्पनीमा आएको परिवर्तन र आज यो IGI Complex को भवनको उद्घाटनमा सरिक हुन पाउँदा गौरव महसुस भएको र इमान्दारीताका साथ काम गर्दा उन्नती अवश्य हुन्छ भनि कम्पनीलाई उदाहरणको रुपमा लिन सकिने विचार व्यक्त गर्नुभयो।
Advertisement
साथै बीमा बजारको विस्तारको लागि नियामकीय निकायको ठूलो भुमिका रहनेछ भन्दै नेपाल बीमा प्राधिकरणले बीमा क्षेत्रको उन्नती र प्रगतिको लागि राम्रो अविभावकको रुपमा आफूलाई प्रस्तुत गर्ने विश्वास व्यक्त गर्नुभयो।
For more: IGI Prudential’s Modern Headquarters
