हायात प्लेस बुटवलको औपचारिक उद्घाटन सम्पन्न

१४ मंसिर, काठमाडौं ।

नेपालमा हायात ब्रान्डको तेस्रो होटेलको रूपमा रुपन्देहीको बुटवलमा ‘हायात प्लेस बुटवल’ को औपचारिक उद्घाटन गरिएको छ। पाहुनाहरू र ‘वर्ल्ड अफ हायात’ का सदस्यहरूका लागि महत्त्वपूर्ण मानिने बजारहरूमा विश्वव्यापी उपस्थिति विस्तार गर्ने क्रममा हायात प्लेस ब्रान्डले यो नयाँ होटेल सञ्चालनमा ल्याएको हो।

यस नयाँ होटेलमा हायात प्लेस ब्रान्डको मौलिक डिजाइन, अनौपचारिक तथा आरामदायी वातावरण र निःशुल्क वाइ-फाइ तथा २४ सै घण्टा खानाका परिकार जस्ता व्यावहारिक सुविधाहरू उपलब्ध छन्। हायात प्लेस बुटवललाई बिजनेस (व्यापारिक) र लेजर (फुर्सदको समय बिताउने) दुवै प्रकारका यात्रुहरूको विविध आवश्यकता पूरा गर्ने गरी तयार पारिएको छ, जहाँ आराम र काम (productivity) बीचको सन्तुलन पाउन सकिन्छ।

पाहुनाहरूको सत्कारमा केहि कसर नछाड्ने हायातको मूल मन्त्रलाई आत्मसाथ गर्दै, हायात प्लेस होटेलहरूले शैली, नवीनता र २४ सै घण्टा उपलब्ध हुने सुविधाहरूको संयोजन गरी आधुनिक व्यस्त यात्रुहरूका लागि सहज अनुभव प्रदान गर्दछन्।

होटेलमा किंग र ट्विन रुमहरू, फरेस्ट भ्यू र हिल भ्यू विकल्पहरू सहित ३०० देखि ७७५ वर्ग फिट (२८ देखि ७२ वर्ग मिटर) सम्मका विभिन्न श्रेणीका कोठाहरू र फराकिला सुइटहरू उपलब्ध छन्।

यस होटेलको मुख्य आकर्षण भनेको १,५६० वर्ग फिट (१४५ वर्ग मिटर) मा फैलिएको ‘प्रेसिडेन्सियल सुइट’ हो, जसले विशिष्ट पाहुनाहरूलाई उच्चस्तरीय अनुभव प्रदान गर्दछ। साथै, हायात प्लेस बुटवलमा १५० जनासम्म अटाउने ग्रान्ड बलरुम सहितको मिटिङ र कार्यक्रम स्थलहरू पनि उपलब्ध छन्।

“हामी हाम्रा पाहुनाहरूको अपेक्षाभन्दा माथि उठेर उत्कृष्ट आतिथ्य अनुभव प्रदान गर्न प्रतिबद्ध छौँ,” हायात प्लेस बुटवलका जनरल म्यानेजर तुषार नगरले भन्नुभयो, “हाम्रा विशेष रूपमा डिजाइन गरिएका कोठाहरू, विविध खानपानका विकल्पहरू र फराकिला कार्यक्रम स्थलहरूले गर्दा हामी बिजनेस र लेजर दुवैखाले यात्रुहरूका लागि आदर्श गन्तव्य बनेका छौँ। पाहुनाहरू यहाँ काम गर्न, थकान मेटाउन, सम्मेलनमा भाग लिन वा विशेष अवसर मनाउन आउनुभएको होस्, हामी हरेक मोडमा सुविधा र आरामको मिलन हुने गरी स्वागतयोग्य वातावरण सिर्जना गर्न प्रयासरत छौँ। हाम्रो समर्पित टिम व्यक्तिगत सेवा प्रदान गर्न र हरेक बसाइलाई यादगार बनाउन उत्साहित छ, जसले बुटवलको मुटुमा एक प्रमुख रोजाइको रूपमा हाम्रो पहिचानलाई अझ बलियो बनाउनेछ।”

हायात प्लेस बुटवलका विशेषताहरू:

• सुत्ने, काम गर्ने र रमाइलो गर्ने छुट्टाछुट्टै स्थान (zone) सहितका १०९ फराकिला गेस्टरुमहरू, जसमा ‘कोजी कर्नर’ सोफा-स्लिपर बेड समेत रहेको छ।
• सबै पाहुनाहरूको आवश्यकता अनुसार तातो र चिसो परिकारहरू समावेश गरिएको निःशुल्क ब्रेकफास्ट।
• दिन वा रात जुनसुकै समयमा ताजा खाना वा खाजा पाइने ‘द मार्केट’।
• विशेष कफी, प्रिमियम बियर, वाइन र ककटेलहरू पाइने ‘जिङ बार’।
• पाहुनाहरूले केही सामान ल्याउन बिर्सेमा किन्न, सापटी लिन वा निःशुल्क प्रयोग गर्न मिल्ने ‘नेसेसिटिज’ कार्यक्रम।
• होटेल र कोठाहरूमा निःशुल्क वाइ-फाइ।
• पारिवारिक वातावरण प्रदान गर्ने स्थानहरू जस्तै: आउटडोर स्विमिङ पुल, फिटनेस सेन्टर, स्पा र बालबालिका खेल्ने क्षेत्र (किड्स प्ले एरिया)।

 हायात प्लेस बुटवलको नेतृत्व

हायात प्लेस बुटवलको नेतृत्व जनरल म्यानेजर तुषार नगर र सेल्स डाइरेक्टर पार्थ ब्यानर्जीले सम्हाल्नुभएको छ। आफ्नो भूमिकामा, श्री नगरले होटेलको दैनिक सञ्चालन व्यवस्थापन, कर्मचारीहरूको रेखदेख र हायात प्लेस ब्रान्डले दिने सेवा पाहुनाहरूले प्राप्त गरून् भन्ने सुनिश्चित गर्ने जिम्मेवारी वहन गर्नुहुनेछ। त्यस्तै, श्री ब्यानर्जीले बुटवल क्षेत्रमा आउने यात्रु र मिटिङ प्लानरहरूलाई सेल्स सेवा र सहयोग प्रदान गर्ने जिम्मेवारी सम्हाल्नुहुनेछ।

थप जानकारीका लागि, कृपया hyattplacebutwal.com मा जानुहोस्।

 यस विज्ञप्तिमा “हायात” शब्द प्रयोग गर्दा सुविधाका लागि हायात होटेल्स कर्पोरेसन र/वा यसका सम्बन्धित निकायहरूलाई जनाइएको छ।

Advertisement

हायात प्लेसको बारेमा

हायात प्लेसका होटेलहरूले शैली, नवीनता र २४ सै घण्टा उपलब्ध सुविधाहरूको संयोजन गरी आधुनिक व्यस्त यात्रुहरूका लागि सहज अनुभव सिर्जना गर्दछन्। पाहुनाहरूले सुत्न, काम गर्न र रमाइलो गर्नका लागि छुट्टाछुट्टै स्थानहरू (zones) भएका कोठाहरूको आनन्द लिन सक्छन्। साथै, यहाँको खुला सामाजिक वातावरणले कामबाट विश्रामतर्फको संक्रमणलाई सहज बनाउँछ। विश्वभर ४४० भन्दा बढी स्थानहरूमा रहेका हायात प्लेस होटेलहरूमा सुविधाजनक खानपानका विकल्पहरू, २४ सै घण्टा खुल्ने फिटनेस सेन्टर र हरेक बिहान तातो ब्रेकफास्ट उपलब्ध हुन्छ। थप जानकारीका लागि hyattplace.com मा हेर्नुहोस्। फेसबुक र इन्स्टाग्राममा #HyattPlace ट्याग गरेर कुराकानीमा सहभागी हुनुहोस्।

हायात होटेल्स कर्पोरेसनको बारेमा

शिकागोमा मुख्यालय रहेको हायात होटेल्स कर्पोरेसन, ‘मानिसहरूको हेरचाह गर्ने ताकि उनीहरू आफ्नो सर्वश्रेष्ठ बन्न सकून्’ भन्ने उद्देश्यद्वारा निर्देशित एक अग्रणी विश्वव्यापी आतिथ्य कम्पनी हो। ३० सेप्टेम्बर २०२५ सम्ममा, कम्पनीको पोर्टफोलियोमा ६ महादेशका ८२ देशहरूमा १,४५० भन्दा बढी होटेल र अल-इन्क्लुसिभ प्रोपर्टीहरू समावेश छन्। कम्पनीको अफरिङमा विभिन्न पोर्टफोलियो अन्तर्गतका ब्रान्डहरू रहेका छन्:

लक्जरी पोर्टफोलियो अन्तर्गत पार्क हायात (Park Hyatt®), अलिला (Alila®), मिराभल (Miraval®), इम्प्रेसन बाई सिक्रेट्स (Impression by Secrets), र द अनबाउन्ड कलेक्सन बाई हायात (The Unbound Collection by Hyatt®);

लाइफस्टाइल पोर्टफोलियो अन्तर्गत अन्दाज (Andaz®), थम्सन होटेल्स (Thompson Hotels®), द स्ट्यान्डर्ड (The Standard®), ड्रिम होटेल्स (Dream® Hotels), द स्ट्यान्डर्ड एक्स (The StandardX), ब्रेथलेस रिसोर्ट्स एण्ड स्पा (Breathless Resorts & Spas®), जेडीभी बाई हायात (JdV by Hyatt®), बंकहाउस होटेल्स (Bunkhouse® Hotels), र मी एण्ड अल होटेल्स (Me and All Hotels);

इन्क्लुसिभ कलेक्सन अन्तर्गत जोएट्री वेलनेस एण्ड स्पा रिसोर्ट्स (Zoëtry® Wellness & Spa Resorts), हायात जिभा (Hyatt Ziva®), हायात जिलारा (Hyatt Zilara®), सिक्रेट्स रिसोर्ट्स एण्ड स्पा (Secrets® Resorts & Spas), ड्रिम्स रिसोर्ट्स एण्ड स्पा (Dreams® Resorts & Spas), हायात भिभिड होटेल्स एण्ड रिसोर्ट्स (Hyatt Vivid® Hotels & Resorts), सनस्केप रिसोर्ट्स एण्ड स्पा (Sunscape® Resorts & Spas), अलुआ होटेल्स एण्ड रिसोर्ट्स (Alua Hotels & Resorts®), र बाहिया प्रिन्सिपे होटेल्स एण्ड रिसोर्ट्स (Bahia Principe Hotels & Resorts);

क्लासिक्स पोर्टफोलियो अन्तर्गत ग्रान्ड हायात (Grand Hyatt®), हायात रिजेन्सी (Hyatt Regency®), डेस्टिनेसन बाई हायात (Destination by Hyatt®), हायात सेन्ट्रिक (Hyatt Centric®), हायात भ्याकेसन क्लब (Hyatt Vacation Club®), र हायात (Hyatt®);

र इसेन्सियल्स पोर्टफोलियो अन्तर्गत क्याप्सन बाई हायात (Caption by Hyatt®), अनस्क्रिप्टेड बाई हायात (Unscripted by Hyatt), हायात प्लेस (Hyatt Place®), हायात हाउस (Hyatt House®), हायात स्टुडियोज (Hyatt Studios®), हायात सेलेक्ट (Hyatt Select), र अरकोभ (UrCove)।

कम्पनीका सहायक कम्पनीहरूले वर्ल्ड अफ हायात (World of Hyatt®) लोयल्टी कार्यक्रम, एएलजी भ्याकेसन्स (ALG Vacations®), मिस्टर एण्ड मिसेज स्मिथ (Mr & Mrs Smith), अनलिमिटेड भ्याकेसन क्लब (Unlimited Vacation Club®), एमस्टार डीएमसी (Amstar® DMC) डेस्टिनेसन म्यानेजमेन्ट सेवाहरू, र ट्राइसेप्ट सोलुसन्स (Trisept Solutions®) टेक्नोलोजी सेवाहरू सञ्चालन गर्दछन्।

For More:-Hyatt Place Butwal Opening