सुदूरपश्चिम विश्वविद्यालय कलेज एसोसिएसन नेपाल (FWUCAN) गठन

Share It On:

८ वैशाख, काठमाडौं।

सुदूरपश्चिम विश्वविद्यालय द्वारा सम्बन्धन प्राप्त कलेजहरूको राष्ट्रिय भेला वैशाख ६ गते, शनिबार अल्कोभ रेस्टुरेन्ट, मीनभवन, नयाँ बानेश्वर, काठमाडौं मा सम्पन्न भयो । उक्त राष्ट्रिय भेलाबाट लक्ष्मण पोख्रेलको अध्यक्षतामा १३ सदस्य कार्यकारी समिती रहने गरी सुदूरपश्चिम विश्वविद्यालय कलेज एसोसिएसन नेपाल (FWUCAN) को औपचारिक गठन गरिएको छ ।

FWUCAN ३२ वटा सम्बन्धन प्राप्त क्याम्पसहरुको साझा संस्था हुनेछ ।

नवगठिन एसोसिएसनको उपाध्यक्षमा राजन सापकोटा, महासचिवमा भुवन चक्र जोशी, सचिवमा शंकर प्रशाद शर्मा र कोषाध्यक्षमा रामकृष्ण दंगाल चयन भएका छन् । यस संस्थाले विश्वविद्यालयसँग सम्बन्धित ३२ वटा निजी क्याम्पसहरूको प्रतिनिधित्व गर्नेछ ।

अध्यक्ष पोख्रेल का अनुसार FWUCAN ले सुदूरपश्चिम विश्वविद्यालयको सम्बन्धनमा संचालित क्याम्पसहरू तथा सो क्याम्पसहरुमा अध्ययनरत विद्यार्थीहरूको शैक्षिक गुणस्तर, व्यावसायिक अवसर, अनुसन्धान र हकहितको सुरक्षाका लागि विश्वविद्यालय, सरकारी, गैर सरकारी निकायहरु, मन्त्रालयहरू, विभागहरू तथा अन्य एजेन्सीहरूसँग सकारात्मक समन्वय गर्नेछ ।

महेन्द्नगर कंचनपुरमा अवस्थित सुदूरपश्चिम विश्वविद्यालय बि.स. २०६७ सालमा नेपाल सरकारको पूर्ण स्वमित्वमा राष्ट्रिय विश्वविद्यालयको रूपमा स्थापना गरिएको हो।

विश्वविद्यालय शैक्षिक उत्कृष्टता, अनुसन्धानमा आधारित शिक्षा, सामुदायिक संलग्नता र साझेदारीको सन्दर्भमा देशको एक प्रमुख शैक्षिक संस्थाको रूपमा सन्चलित हुँदै आइरहेको छ ।

सुदूरपश्चिम विश्वविद्यालयले व्यवस्थापन, शिक्षा, विज्ञान, कृषि, सामाजिक शास्त्र, मानविकी, सूचना प्रविधि लगायत विभिन्न संकायमा स्नातकदेखि स्नातकोत्तर तहसम्मका शैक्षिक कार्यक्रमहरू सञ्चालन गर्दै आएको छ। सुदूरपश्चिम विश्वविद्यालयका १५ आङ्गिक क्याम्पसहरू र ३२ वटा निजी सम्बन्धन प्राप्त क्याम्पसहरूलाई छन् ।

विद्यार्थी संख्याको हिसाबले सुदूरपश्चिम विश्वविद्यालय नेपालको दोस्रो ठूलो विश्वविद्यालय हो। FWUCAN को गठनपछि विश्वविद्यालय र सम्बन्धित क्याम्पसहरूबीच समन्वय बढ्ने, शिक्षा तथा अनुसन्धानको गुणस्तर सुधार हुने अपेक्षा गरिएको बताइएको छ ।