१३ भदौ, काठमाडौं ।
ललितपुरस्थित इम्बार्क कलेजले विद्यार्थीहरूका लागि ‘पढाइ र कमाइ’ दुवैलाई सँगसँगै लैजाने उद्देश्यले दुईवटा नयाँ कार्यक्रमको घोषणा गरेको छ।
कलेजले नेपालमा व्यावसायिक शिक्षा र रोजगारीको खाडल पुर्नका लागि ‘व्यवसायिक सीप तालिम (अफेन्टिससिप) कार्यक्रम’ र ‘नवप्रवर्तन स्टार्टअप क्षमता विकास कार्यक्रम’ सुरु गरेको हो।
यी कार्यक्रमहरूले नेपालमा व्यवसायिक नेटवर्कहरू विकास गर्न, विद्यार्थीलाई रोजगारीमा सहज पहुँच दिलाउन र उद्यमशीलतालाई प्रोत्साहित गर्ने लक्ष्य राखेको कलेजले जनाएको छ।
कार्यक्रमको शुभारम्भ गर्दै कलेजका निर्देशक आरिफ शेखले भने, “यो कार्यक्रमले विद्यार्थीलाई स्नातक तहको पढाइका क्रममा नै व्यावहारिक सीप सिक्ने अवसर दिनेछ, जसले उनीहरूलाई भविष्यको लागि तयार पार्नेछ।” उनले कलेजले रोजगारी र उद्यमशीलता दुवैलाई सँगै अगाडि बढाउने योजना बनाएको पनि बताए।
अफेन्टिससिप कार्यक्रम:
यस कार्यक्रमअन्तर्गत इन्मार्क कलेजले नेपालका केही प्रमुख र प्रतिष्ठित उद्योग तथा उद्यमहरूसँग साझेदारी गरेको छ। यसले विद्यार्थीहरूलाई रोजगारीको अवसर दिलाउन मद्दत गर्नुका साथै उद्योगहरूलाई उनीहरूको आवश्यकताअनुसार दक्ष जनशक्ति तयार गर्ने अवसर प्रदान गर्नेछ।
यो तालिममा सहभागी हुने विद्यार्थीले व्यावसायिक वातावरण, ग्राहक व्यवस्थापन, वित्तीय मूल्यांकन र दीर्घकालीन संस्थागत अनुभव प्राप्त गर्न सक्नेछन्।
स्टार्टअप क्षमता विकास कार्यक्रम:
यस कार्यक्रमले १० वर्षभन्दा कम समयदेखि सञ्चालनमा रहेका र वार्षिक १५ करोड रुपैयाँभन्दा कम कारोबार भएका नवप्रवर्तनशील व्यवसायहरूलाई सहयोग गर्नेछ।
नेपाल सरकारको राष्ट्रिय स्टार्टअप नीति २०८० र औद्योगिक उद्यम ऐन २०७६ सँग मेल खाने यो कार्यक्रमले उद्यमशीलताको विकासमा टेवा पुर्याउने अपेक्षा गरिएको छ।
इम्बार्क कलेजका सीईओ काजिम शेखका अनुसार नेपालमा उद्यमशीलताको सम्भावना अपार भए पनि प्रणालीगत चुनौतीहरूले गर्दा सीमित छ। उनले भने, “हाम्रो कार्यक्रमले नवप्रवर्तनलाई दिगो व्यवसायमा रूपान्तरण गर्न समयमै विकासमा जोड दिन्छ।”
यी दुवै कार्यक्रमले नेपाल सरकारको नीतिअनुसार समृद्ध उद्यमशीलताको वातावरण निर्माणमा सहयोग पुर्याउने कलेजले विश्वास व्यक्त गरेको छ।
अफेन्टिससिप कार्यक्रमले उद्योगका लागि दक्ष जनशक्ति र विदेशिनबाट मुक्त रोजगारीको अवसर सिर्जना गर्ने लक्ष्य राखेको छ भने स्टार्टअप कार्यक्रमले स्वदेशी नवप्रवर्तन र प्रविधिको विकास गरी आयातमाथिको निर्भरता घटाउने उद्देश्य लिएको छ।
इम्बार्क कलेजले यी कार्यक्रममा आवेदन दिन इच्छुक विद्यार्थी र स्टार्टअपहरूका लागि योग्यतासम्बन्धी मापदण्ड पनि तोकेको छ।
आवेदन प्रक्रिया:
अफेन्टिससिप कार्यक्रमका लागि: सीप मूल्याङ्कन, इम्बार्क कलेजबाट प्राप्त शैक्षिक तथा सीपसम्बन्धी कागजातको प्रमाणीकरण र अन्तर्वार्ता।
स्टार्टअप कार्यक्रमका लागि: कानुनी दर्ता प्रमाणपत्र, वित्तीय विवरण, नवप्रवर्तन दर्शाउने व्यवसाय योजना र परीक्षण समीक्षा।
ललितपुरको पुल्चोकमा रहेको इम्बार्क कलेज व्यावसायिक शिक्षाका क्षेत्रमा अग्रणी संस्था मानिन्छ र यसको मुख्य उद्देश्य नेपालको आर्थिक विकासमा योगदान पुर्याउनु रहेको छ।
For more: Embark College Startup Programs in Nepal
