१ भदौ, काठमाडौं।
डिशहोमले आफ्नो भर्चुअल प्रिभिलेज कार्डमार्फत नेपालकै लोकप्रिय फास्ट–फूड चेन “द बर्गर हाउस एण्ड क्रन्ची फ्राइड चिकेन” सँग साझेदारी गरेको घोषणा गरेको छ। यस साझेदारीसँगै, सक्रिय डिशहोम ग्राहकहरूले देशभर रहेका १५८ वटै आउटलेटमा खाद्य तथा पेय पदार्थमा १० प्रतिशत छुट पाउने भएका छन्।
द बर्गर हाउस एण्ड क्रन्ची फ्राइड चिकेन आफ्नो स्वादिलो बर्गर, क्रन्ची फ्राइड चिकेन र विभिन्न फास्ट–फूड परिकारका लागि चर्चित छ। नेपालभर फैलिएको यस ब्रान्डसँगको सहकार्यले डिशहोमका ग्राहकहरूलाई जुनसुकै स्थानमा पनि मनपर्ने परिकार छुटसहित प्राप्त गर्ने अवसर उपलब्ध गराएको छ।
ग्राहकहरूले छुट पाउनका लागि माइ डिशहोम एप प्ले स्टोर वा एप स्टोरबाट डाउनलोड गरी, दर्ता भएको मोबाइल नम्बर वा ग्राहक आईडी प्रयोग गरेर लग–इन गर्नुपर्नेछ। त्यसपछि होम पेज वा प्रोफाइल सेक्सनमा उपलब्ध भर्चुअल प्रिभिलेज कार्ड खोल्न सकिनेछ, जसलाई द बर्गर हाउस एण्ड क्रन्ची फ्राइड चिकेनका जुनसुकै आउटलेटमा देखाएर छुट प्राप्त गर्न सकिनेछ।
डिशहोमका सीईओ तारा मानन्धरले यस साझेदारीले नेपालका मनपर्ने फास्ट–फूड गन्तव्यलाई ग्राहकहरूको दैनिक जीवनमा थप मूल्य दिने कम्पनीको प्रतिबद्धता झल्काएको बताएका छन्। डिशहोमको भर्चुअल प्रिभिलेज कार्ड डाइनिङ, आतिथ्य, यात्रा र लाइफस्टाइल क्षेत्रमा विशेष सुविधा उपलब्ध गराउन सुरु गरिएको हो। कम्पनीले आगामी महिनाहरूमा थप शीर्ष ब्रान्डहरूलाई पनि यस कार्यक्रममा समावेश गर्ने योजना सार्वजनिक गरेको छ।
For More:-DishHome Burger House discount
