१३ भदौ, काठमाडौं ।
सिटिजन्स बैंक इन्टरनेसनल लिमिटेडले गण्डकी, कर्णाली र सुदूरपश्चिम प्रदेशमा रहेका आफ्ना प्रदेश प्रमुख, क्लस्टर हेड, शाखा प्रबन्धक र अन्य कर्मचारीका लागि “इन्स्पाएरिङ्ख लिडरसिप् एण्ड पर्फरमेन्स सेमिनार : अचिभिङ बजेट गोल्श एण्ड अपेरेसनल सक्सेस् इन् गण्डकी, कर्णाली एण्ड सुदूरपश्चिम” नामक कार्यक्रम सम्पन्न गरेको छ।
बैंकका प्रमुख कार्यकारी अधिकृत गणेशराज पोखरेल लगायत नायब प्रमुख कार्यकारी अधिकृत र वरिष्ठ कार्यकारीहरूको उपस्थितिमा सम्पन्न भएको उक्त सेमिनारमा गत आर्थिक वर्षको प्रगति समीक्षा गर्दै चालु आर्थिक वर्षका प्राथमिकताहरू र केन्द्र-प्रदेशबीचको सहकार्यलाई अझ सुदृढ गर्ने विषयमा छलफल भएको थियो। यसअघि बैंकले मधेश, बागमती र कोशी प्रदेशमा पनि यस्तै किसिमको कार्यक्रम आयोजना गरिसकेको छ।
बैंकका अनुसार, आर्थिक वर्ष २०८१/८२ को असार मसान्तसम्म बैंकले कर्जा, निक्षेप र खुद ब्याज आम्दानी जस्ता प्रमुख सूचकहरूमा दोहोरो अंकको वृद्धि हासिल गरेको छ। समीक्षा अवधिमा बैंकको कर्जा प्रवाह ११.१५ प्रतिशतले बढेर १ खर्ब ७५ अर्ब १६ करोड रुपैयाँ पुगेको छ, जुन अघिल्लो आर्थिक वर्षको सोही अवधिमा १ खर्ब ५७ अर्ब ५८ करोड रुपैयाँ थियो।
त्यसैगरी, निक्षेप संकलन ११.६९ प्रतिशतले बढेर २ खर्ब १४ अर्ब ८ करोड रुपैयाँ पुगेको छ। बैंकको खुद ब्याज आम्दानी पनि ११.२० प्रतिशतले बढेर ६ अर्ब ३६ करोड रुपैयाँ पुगेको छ। यसैगरी, बैंकको कर्जा-निक्षेप अनुपात (CD रेसियो) ८१.९१ प्रतिशत रहेको छ। यस अवधिमा बैंकको सम्पत्तिमा प्रतिफल दर (ROA) ०.५५ प्रतिशत र पुँजीमा प्रतिफल दर (ROE) ५.८१ प्रतिशत कायम भएको छ।
विश्वकै प्रतिष्ठित ‘बैंक अफ द ईयर २०२४’ अवार्ड जितेको यस बैंकले हालै ‘सिटिजन्स फोनपे क्रेडिट कार्ड’ नामक भर्चुअल क्रेडिट कार्ड र मोबाइल बैंकिङ एपबाटै सेयर आवेदन र सीआरएन नम्बर सेवा दिने सुविधा पनि सुरु गरेको छ।
हाल सिटिजन्स बैंकले ६१ जिल्लामा फैलिएका २०० शाखा, १६९ एटीएम, ३ विस्तारित काउन्टर र ७४ शाखारहित बैंकिङ एकाइहरू मार्फत १९ लाख ३१ हजार ग्राहकलाई सेवा दिइरहेको छ।
For More:-Citizens Bank Leadership Seminar
