सिटिजन्स बैंकद्वारा हुम्लाका २०५ जना छात्रालाई ट्र्याकसुट वितरण
१५ चैत, काठमाडौँ।
सिटिजन्स बैंक इन्टरनेसनल लिमिटेडले आफ्नो संस्थागत सामाजिक उत्तरदायित्व (CSR) अन्तर्गत कर्णाली प्रदेशको दुर्गम जिल्ला हुम्लामा विशेष सहयोग कार्यक्रम सम्पन्न गरेको छ।
बैंकले हुम्लाको अदानचुली गाउँपालिका–३ मा अवस्थित श्री छत्रपाल आधारभूत विद्यालयका २०५ जना विद्यार्थीहरूलाई ट्र्याकसुट वितरण गरेको हो।
विगत २०५२ सालदेखि सञ्चालित यस विद्यालयमा आयोजित एक विशेष समारोहका बीच बैंकको सर्केगाड शाखामार्फत उक्त पोसाकहरू हस्तान्तरण गरिएको हो।
विद्यार्थीलाई खेलकुद र दैनिक गतिविधिमा सहजता
बैंकले उपलब्ध गराएको ट्र्याकसुटले विद्यार्थीहरूलाई विद्यालयको दैनिक क्रियाकलापका साथै खेलकुद र शारीरिक व्यायाममा सहजता प्रदान गर्ने विश्वास लिइएको छ। विशेषगरी चिसो मौसममा न्यानो र आरामदायी पोसाक पाउँदा विद्यार्थी र अभिभावकहरू खुसी भएका छन्।
आगामी दिनमा पनि सामाजिक, आर्थिक, सांस्कृतिक र शैक्षिक क्षेत्रमा सकारात्मक परिवर्तन ल्याउन यस्ता परोपकारी कार्यहरूलाई निरन्तरता दिने बैंकले प्रतिबद्धता जनाएको छ।
आधुनिक बैंकिङ्ग सेवामा सिटिजन्स बैंकको फड्को
विश्वकै प्रतिष्ठित ‘बैंक अफ द इयर २०२४’ र ‘२०२५’ को उपाधि जित्न सफल सिटिजन्स बैंकले पछिल्लो समय प्रविधिमैत्री सेवामा आफूलाई अब्बल सावित गरेको छ। बैंकले ल्याएका केही नवीन सेवाहरू यस प्रकार छन्:
Advertisement
सिटिजन्स फोनपे क्रेडिट कार्ड: नेपालमै पहिलो पटक भर्चुअल क्रेडिट कार्डको सुरुवात।
जेन–जी सेभिङ्ग अकाउन्ट: विशेष गरी नवयुवाहरूलाई लक्षित गरिएको बचत खाता।
फ्रिलान्सर सेविङ्ज अकाउन्ट: स्वतन्त्र रूपमा काम गर्ने फ्रिलान्सरहरूका लागि विशेष सुविधायुक्त खाता।
क्रस बैंक टेलर सुविधा: अन्य बैंकका ग्राहकले पनि सिटिजन्स बैंकको शाखाबाट क्युआर (QR) स्क्यान गरी नगद प्राप्त गर्न सक्ने।
एकीकृत अनलाइन प्लेटफर्म: ‘सिटिजन्स डिजी बैंक सेवा’ मार्फत घरमै बसी बैंकिङ्ग सेवा लिन सकिने।
हाल सिटिजन्स बैंकले देशका ६१ जिल्लामा फैलिएका २०० वटा शाखा, १६९ वटा एटिएम र ४२ वटा शाखारहित बैंकिङ्ग ईकाइहरू मार्फत करिब २० लाख २ हजार ग्राहकलाई उत्कृष्ट सेवा प्रदान गर्दै आइरहेको छ।
For more: Citizens Bank Humla School Support
