सीजी नेट र ठूलो डट कम बीच रणनीतिक साझेदारी: साना व्यवसायको डिजिटलाइजेसनमा नयाँ आयाम
१२ माघ, काठमाडौँ ।
नेपालको डिजिटल अर्थतन्त्रलाई चलायमान बनाउने उद्देश्यका साथ प्रमुख इन्टरनेट सेवा प्रदायक सीजी नेट (CG Net) र प्रसिद्ध व्यावसायिक समाधान प्लेटफर्म ठूलो डट कम (Thulo.Com) बीच एक रणनीतिक साझेदारी सम्झौता भएको छ।
यस सहकार्यले विशेष गरी नेपालका साना तथा मध्यम उद्योगहरू (SMEs) लाई प्रविधिको प्रयोगमार्फत अटोमेसन र डिजिटल रूपान्तरणमा लैजाने लक्ष्य राखेको छ।
माघ ४, २०८२ मा आयोजित एक विशेष कार्यक्रममा सीजी नेटका प्रमुख कार्यकारी अधिकृत (CEO) सुजन थापा र ठूलो डट कमका CEO राजा राम नेपालले उक्त सम्झौता पत्रमा हस्ताक्षर गर्नुभएको हो।
साना व्यवसायका लागि डिजिटल क्रान्ति
यो साझेदारीले नेपाली उद्यमीहरूलाई छरिएर रहेका र झन्झटिला म्यानुअल प्रक्रियाहरूबाट मुक्त गरी आधुनिक डिजिटल प्रणालीमा जोड्नेछ। यस अन्तर्गत साना तथा मध्यम व्यवसायहरूले निम्न सुविधाहरू प्राप्त गर्ने अपेक्षा गरिएको छ:
ग्राहक व्यवस्थापन (CRM): ग्राहकहरूसँगको सम्बन्ध र सञ्चारलाई थप प्रभावकारी बनाउन।
बिक्री ट्र्याकिङ र फलो-अप: सेल्स प्रक्रियालाई डिजिटल रूपमा रेकर्ड र फलो-अप गरी उत्पादकत्व बढाउन।
Advertisement
मार्केटिङ कम्युनिकेसन: आधुनिक डिजिटल उपकरणमार्फत लक्षित ग्राहकसम्म पुग्न।
व्यवसाय अटोमेसन: दैनिक सञ्चालन, रिपोर्टिङ र आन्तरिक समन्वयलाई छिटो र छरितो बनाउन।
सम्झौता पछि बोल्दै सीजी नेटका CEO सुजन थापाले भन्नुभयो, “हामी नेपालको डिजिटल भविष्य निर्माण गर्न प्रतिबद्ध छौं। भरपर्दो इन्टरनेट र प्रभावकारी डिजिटल समाधानलाई एकै ठाउँमा जोडेर हामी देशभरका व्यवसायलाई आधुनिक र प्रतिस्पर्धात्मक बनाउन सहयोग गर्नेछौं।”
त्यस्तै, ठूलो डट कमका CEO राजा राम नेपालले थप्नुभयो, “नेपालको अर्थतण्डको मेरुदण्ड साना व्यवसाय हुन्। सीजी नेटसँगको यो सहकार्यले म्यानुअल कामलाई डिजिटलमा बदलेर व्यवसायको समय बचत गर्न र बिक्री क्षमता वृद्धि गर्न महत्वपूर्ण भूमिका खेल्नेछ।”
सेवाको उपलब्धता र विस्तार
यो विशेष डिजिटल सेवा हाल काठमाडौं उपत्यका, पोखरा र चितवनमा उपलब्ध भइसकेको छ। कम्पनीहरूले निकट भविष्यमै यो सेवालाई देशका अन्य प्रमुख शहरहरूमा पनि विस्तार गर्ने योजना बनाएका छन्, जसले गर्दा शहरी क्षेत्र बाहिरका नेपाली व्यवसायीहरूले पनि यसको लाभ लिन सक्नेछन्।
For more: CG Net and Thulo.Com Partnership
