२१ साउन, काठमाडौं।
नेपालका लागि बीवाईडीको आधिकारिक वितरक, साइमेक्स इंक प्रा.लि. ले देशकै बहुप्रतिक्षित इलेक्ट्रिक ह्याचब्याक बीवाईडी एट्टो १ (BYD Atto 1) लाई आधिकारिक रूपमा लन्च गरेको छ।
नाइमा नेपाल मोबिलिटी एक्सपो २०२५ मा आयोजित एक विशेष कार्यक्रममा यो घोषणा गरिएको हो, जसले दिगो र पहुँचयोग्य विद्युतीय मोबिलिटीतर्फ बीवाईडीको निरन्तर प्रतिबद्धतालाई उजागर गरेको छ।
सहरी इलेक्ट्रिक मोबिलिटीको ‘गेम चेन्जर’
विश्वव्यापी रूपमा बीवाईडी सिगल (BYD Seagull), बीवाईडी डल्फिन मिनी वा डल्फिन सर्फको नामले परिचित बीवाईडी एट्टो १ नेपालको सहरी इलेक्ट्रिक मोबिलिटी बजारमा एक महत्त्वपूर्ण परिवर्तनकारी उत्पादनका रूपमा आएको छ।
यो प्रतिष्ठित ईभीले हालै वर्ल्ड कार अवार्ड्समा वर्ल्ड अर्बन कार अफ द इयर २०२५ (World Urban Car of the Year 2025) को उपाधि पनि प्राप्त गरेको छ।
साइमेक्स इंकका सीईओ साहिल श्रेष्ठले भने, “बीवाईडी एट्टो १ मार्फत हामीले ईभी प्रविधिलाई प्रजातान्त्रिकरण गरेका छौँ र नेपाली सडकमा विश्व स्तरीय नवप्रवर्तनलाई ल्याएका छौँ। यो एक इन्ट्री लेभल ईभी मात्र होइन, कम्प्याक्ट इलेक्ट्रिक मोबिलिटीतर्फको क्रान्ति समेत हो। यो वर्तमानको सहरी जीवनशैली र भोलिको हरित भविष्यका लागि डिजाइन गरिएको हो।”
अत्याधुनिक प्रविधि र सुरक्षा
बीवाईडीको एड्भान्स्ड ई–प्लेटफर्म ३.० (e-Platform 3.0) मा निर्मित र क्रान्तिकारी ब्लेड ब्याट्री (#Blade_Battery) द्वारा सुसज्जित एट्टो १ मा सेल–टु–बडी (CTB) प्रविधि रहेको छ। यसले एकीकृत बनावट र गाडीको सुरक्षालाई मजबुत बनाएको छ, जुन विशेष गरी ईभीका लागि डिजाइन गरिएको हो।
भेरिएन्ट र मूल्य
नेपालमा बीवाईडी एट्टो १ ईभी दुई भेरिएन्टमा उपलब्ध हुनेछ:
डाइनामिक (Dynamic): यसमा ३०.०८ किलोवाट आवर (kWh) को ब्याट्री छ, जसले सिंगल चार्जमा २३० किलोमिटर (WLTP) को रेन्ज दिन्छ। यसको मूल्य २८ लाख ९५ हजार रुपैयाँ तोकिएको छ।
प्रिमियम (Premium): यसमा ३८.८८ किलोवाट आवर (kWh) को ब्याट्री छ, जसले ३०० किलोमिटर (WLTP) को रेन्ज दिन्छ। यसको मूल्य ३२ लाख ९९ हजार रुपैयाँ निर्धारण गरिएको छ।
नाइमा मोबिलिटी एक्सपोमा विशेष अफर
नाइमा नेपाल मोबिलिटी एक्सपोमा बीवाईडी एट्टो १ बुकिङ गर्ने ग्राहकहरूका लागि विशेष अफरहरू उपलब्ध छन्। यसमा नगद छुट, निःशुल्क एक वर्षको अटो प्लस इन्स्योरेन्स, निःशुल्क ३.३ किलोवाट पोर्टेबल चार्जर, १० वर्षको एक्सटेन्डेड वारेन्टी, निःशुल्क एसेसरिज का साथै १० वर्षसम्म निःशुल्क एप कनेक्टिभिटी सब्स्क्रिप्सन समावेश छन्।
बीवाईडी एट्टो १ ले अत्याधुनिक अन्तर्राष्ट्रिय डिजाइन, सहरी उपयोगिता र अतुलनीय सुरक्षाको दुर्लभ संयोजनको प्रतिनिधित्व गर्छ। विश्वभर मान्यता प्राप्त यो सवारीसाधनलाई सहरी बासिन्दाहरूको आवश्यकता अनुसार निर्माण गरिएको छ, र यो नेपालमा सबैभन्दा बढी बिक्री हुने कम्प्याक्ट ईभी बन्ने तयारीमा छ।
बीवाईडी एट्टो १ को लन्चसँगै साइमेक्स इंकले नेपाललाई सफा, स्मार्ट र अझै समावेशी विद्युतीय भविष्यतर्फ अगाडि बढाउने आफ्नो लक्ष्यलाई अझ सशक्त बनाएको छ।
बीवाईडी एट्टो १ (#सिगल) को यस लन्चले नेपाली ईभी बजारमा कस्तो प्रभाव पार्ला जस्तो लाग्छ?
For more: BYD Game-Changing Atto 1 EV
