७ भदौ, काठमाडौं ।
द ब्रिटिस कलेजका संस्थापक तथा सीईओ राजन कँडेललाई एसएमई न्यूजले ‘एमडी अफ द इयर’ अवार्ड प्रदान गरेको छ ।
British College CEO Awarded
ब्रिटिस एजुकेशन ग्रुप अन्तर्गतको ब्रिटिस कलेजका सीईओ कँडेल ‘एसएमई न्यूज आईटी अवार्ड २०२४’बाट सम्मानित हुनुभएको हो ।
बेलायतको प्रकाशन गृह एसएमईले वार्षिक रुपमा सकारात्मक परिवर्तनको लागि काम गरिरहेका व्यवसायीहरुलाई अवार्ड प्रदान गर्दै आइरहेको छ ।
एसएमई न्यूजले उद्यमशिलता क्षेत्रका परिश्रमीहरु योग्य व्यक्तिहरुलाई अवार्ड प्रदान गर्दछ । अन्य प्रतिस्पर्धीहरुभन्दा फरक तरिकाले आइटी सोलुसन, डेटा माइग्रेशन तथा आईटी ट्रान्फरमेशन सेक्टरमा काम गर्दै आएका व्यक्तिहरु सो अवार्डको लागि मनोनयनमा परेका थिए ।
सिइओ कँडेलले ‘इन्टरनेशनल एजुकेशन सेक्टर’ विधा अन्तर्गत ‘सर्वश्रेष्ठ लगानी गर्ने म्यानेजिङ डाइरेक्टर’को रुपमा कँडेल ग्रुपको लागि यो अवार्ड जित्नुभएको हो ।
उद्यमशिलताको क्षेत्रमा सकारात्मक प्रभाव पारेको आधारमा छनौट भई अवार्डद्वारा सम्मानित हुनुभएका सीईओ कँडेलले अन्तर्राष्ट्रिय शिक्षा क्षेत्रमा ठूलो योगदान गर्नुभएको छ ।
‘मैले मेरो करियर आईटी म्यानेजरको रुपमा सुरु गरेको थिएँ । अहिले हामीले विश्वको केही शीर्ष विश्वविद्यालयहरुसँग साझेदारी गर्दै आईटी विषयहरुसँगै अन्य शैक्षिक कार्यक्रमहरु पनि विश्वका चार वटा महादेशमा रहेका विद्यार्थीहरुलाई प्रदान गर्दै आएका छौं ।
अवार्ड प्राप्त गरेपछि प्रतिक्रिया दिँदै सिईओ कँडेलले भन्नुभयो, ‘यसै वर्ष पनि हामीले बेलायतको ग्रीनविच विश्वविद्यालयसँगको साझेदारीमा कोर्षहरु प्रदान गर्न सुरु गरेका छौं ।
त्यस्तै, क्यानडाको म्यारिटाइम बिजनेश कलेज पनि अधिग्रहण गरेका छौं । त्यसैले यो अवार्ड मेरो लागि धेरै अर्थपूर्ण छ र यो नयाँ कुराहरुको सुरुवात हो ।’
