‘द ब्रिटिस कलेज अलुम्नाइ मिट २०२६’ कार्यक्रम सम्पन्न
१५ माघ, काठमाडौँ ।
द ब्रिटिश कलेजले आफ्ना पूर्वविद्यार्थीहरूलाई एकै थलोमा भेला गराउने र उनीहरूबीचको सम्बन्धलाई थप प्रगाढ बनाउने उद्देश्यका साथ गत २३ जनवरी २०२६ मा ‘एलुम्नाई मिट तथा नेटवर्किङ सेसन २०२६’ भव्य रूपमा आयोजना गरेको छ।
काठमाडौँमा आयोजित उक्त कार्यक्रममा विभिन्न ब्याचका ५ हजारभन्दा बढी स्नातकहरू मध्येबाट उल्लेख्य सहभागिता रहेको थियो।
कार्यक्रमको औपचारिक सुरुवात टीकेजीका कन्ट्री डाइरेक्टर अरुण कुमार कँडेलको स्वागत मन्तव्यबाट भएको थियो, उनले सशक्त र एकीकृत नेपाली एलुम्नाई समुदाय निर्माणको आवश्यकतामा जोड दिए।
कार्यक्रममा कलेजका मार्केटिङ हेड अमरदीप मण्डलले सञ्चालन गरेका “टुगेदर वि आर स्ट्रङ्गर” शीर्षकको विशेष सत्र र ऊर्जाशील सांस्कृतिक नृत्य प्रस्तुतिले सहभागीहरूमा उत्साह थपेको थियो। त्यस्तै, प्रतिष्ठित पूर्व नेपाली विद्यार्थीहरू आशिष आचार्य र योङ जिन होङले प्रेरणादायी की–नोट मन्तव्य दिँदै आफ्ना व्यावसायिक यात्रा र सफलताका अनुभवहरू बताए।
कार्यक्रमको एक मुख्य आकर्षणका रूपमा ‘इन्क्युबेसन सेन्टर’ को घोषणा गरियो, जसले उद्यमशीलता, नवप्रवर्तन र स्टार्टअप संस्कृतिलाई प्रवर्द्धन गर्दै युवा उद्यमीहरूलाई आवश्यक मार्गदर्शन र सहयोग प्रदान गर्ने लक्ष्य राखेको छ।
Advertisement
औपचारिक सत्रलाई सम्बोधन गर्दै ई-वर्क्सका सीईओ तथा कलेजका आईटी सल्लाहकार जोन पार्क (पूर्व प्रोडक्ट हेड-गुगल) ले पेशागत नेटवर्कको महत्त्व दर्शाए।
कार्यक्रमको समापन गर्दै द ब्रिटिश कलेजका सीईओ राजन कँडेलले कलेजले हालसम्म ५ हजारभन्दा बढी विश्वस्तरीय जनशक्ति उत्पादन गरिसकेको जानकारी दिँदै संस्थाको भविष्य निर्माणमा पूर्वविद्यार्थीहरूको भूमिका निर्णायक हुने बताए।
उनले नयाँ एलुम्नाई एसोसिएसन गठनका लागि दर्ता भई सक्रिय सहभागी हुन सबैलाई आग्रह गर्दै, यसले मेन्टरसिप र व्यावसायिक अवसर सिर्जनामा ठुलो सहयोग पुर्याउने विश्वास व्यक्त गरे।
कार्यक्रममा पुराना सम्झनालाई समेटिएका विभिन्न भिडियो प्रदर्शन, सांस्कृतिक नृत्य प्रस्तुतिहरू तथा मनोरञ्जनात्मक कार्यक्रमहरू समावेश गरिएको थियो ।
For More:-British College Alumni Meet
