को हुन् नवनियुक्त सञ्चार मन्त्री डा. विक्रम तिमिल्सिना? प्राज्ञिक यात्रादेखि मन्त्रीसम्मको जीवनी
१४ चैत, काठमाडौँ।
बालेन सरकारको मन्त्रिमण्डलमा नवनियुक्त सञ्चार तथा सूचना प्रविधि मन्त्री डा. विक्रम तिमिल्सिना एक बौद्धिक र जुझारु नेताका रूपमा उदायका छन्।
नुवाकोट क्षेत्र नम्बर १ बाट नेपाली कांग्रेसका प्रभावशाली नेता प्रकाशशरण महतलाई पराजित गर्दै प्रतिनिधि सभा सदस्य बनेका तिमिल्सिनाले २२,६०९ मत प्राप्त गरेका थिए।
प्राज्ञिक योग्यता र अनुभव
४३ वर्षीय डा. तिमिल्सिना नुवाकोटको पञ्चकन्या गाउँपालिका बानियाटारका स्थायी बासिन्दा हुन्। उनको शैक्षिक पृष्ठभूमि निकै प्रभावशाली छ:
विधावारिधि (PhD): अस्ट्रेलियाको ग्रेफिथ विश्वविद्यालयबाट राजनीति र अन्तर्राष्ट्रिय सम्बन्धमा पिएचडी।
स्नातकोत्तर (MA): क्विन्सल्याण्ड विश्वविद्यालयबाट अन्तर्राष्ट्रिय सम्बन्ध र त्रिभुवन विश्वविद्यालयबाट अंग्रेजीमा स्नातकोत्तर।
Advertisement
अध्यापन: उनले त्रिवि अन्तर्गत सशस्त्र प्रहरी बल एकेडेमी र मानविकी संकायमा नीति, सुशासन तथा भ्रष्टाचार निवारण शिक्षा अध्यापन गराउँदै आएका थिए।
सञ्चार र अनुसन्धानमा योगदान
राजनीतिमा आउनुअघि उनले रेडियो सगरमाथामा सञ्चारकर्मीका रूपमा काम गरिसकेका छन्। उनी एसियन इन्स्टिच्युट फर एड्भान्स्ड रिसर्चका अध्यक्ष समेत हुन्। अपाङ्गता भएका व्यक्तिहरूको वित्तीय समावेशीकरण सम्बन्धी अनुसन्धानमा उनको महत्वपूर्ण भूमिका रहेको छ।
मन्त्री भएपछिको प्रतिबद्धता
पदभार ग्रहण गर्दै मन्त्री तिमिल्सिनाले ‘डिजिटल नेपाल’ को लक्ष्य प्राप्त गर्न र भ्रष्टाचारप्रति शून्य सहनशीलता अपनाउने प्रतिबद्धता व्यक्त गरेका छन्। उनले भनेका छन्, “मेरो कार्यकालमा अनावश्यक ढिलासुस्ती हुने छैन र सेवाप्रवाहलाई प्रविधिमैत्री बनाइनेछ।”
प्रथम लेड टेक म्यागजिनकी अध्यक्ष मीना अर्यालले डा. तिमिल्सिनाको नियुक्तिलाई देशका लागि गौरवको क्षण भन्दै बधाई ज्ञापन गरेकी छिन्।
For more: Bikram Timilsina Minister
