बेलियो एक्स्पेरियन्स २०२६: काठमाडौंमा सुरु भयो प्रविधि र जीवनशैलीको महाकुम्भ
२३ माघ, काठमाडौँ।
नेपालको प्रविधि क्षेत्रमा एक नयाँ इँटा थप्दै सागर ग्रुपद्वारा आयोजित र xLab द्वारा प्रवद्र्धित ‘बेलियो एक्स्पेरियन्स २०२६’ (चौथो संस्करण) काठमाडौंमा भव्य रूपमा सञ्चालन भइरहेको छ। माघ २२ गतेदेखि सुरु भएको यो ६ दिवसीय इभेन्ट माघ २७ गतेसम्म चल्नेछ।
आज दोस्रो दिनसम्म आइपुग्दा प्रविधि प्रेमी, व्यवसायी र विद्यार्थीहरूको उल्लेख्य उपस्थितिले यस एक्स्पोलाई थप उत्साहजनक बनाएको छ।
स्वदेशी र विदेशी ब्रान्डहरूको उत्कृष्ट संगम
यस वर्षको एक्स्पोको मुख्य आकर्षण नेपाली स्वदेशी ब्रान्ड xLab (एक्स्ल्याब) रहेको छ। xLab सँगसँगै विश्वका चर्चित ब्रान्डहरू Brother, Konica Minolta, Kaspersky, NEC, Micropack, iDP, र Odoo का नवीनतम प्रविधिहरू एउटै छानामुनि हेर्न र अनुभव गर्न पाइन्छ।
किन जाने ‘बेलियो एक्स्पेरियन्स २०२६’ मा?
यो मेला केवल अवलोकनका लागि मात्र नभई प्रविधिलाई नजिकबाट बुझ्नका लागि एक विशेष प्लेटफर्म हो:
प्रत्यक्ष अनुभव (Hands-on Experience): नयाँ ग्याजेट र सफ्टवेयरहरू आफैँले चलाएर हेर्न पाइने।
निःशुल्क विशेषज्ञ तालिम: प्राविधिक विज्ञहरूबाट नयाँ सफ्टवेयर र मेसिनरी चलाउने विशेष तालिम।
Advertisement
विशेष छुट र अफर: मेला अवधिभर खरिद गरिने सामग्रीहरूमा एक्स्क्लुसिभ डिस्काउन्ट।
निःशुल्क प्रवेश: क्युआर कोड (QR Code) मार्फत सहजै दर्ता गरी बिहान १० देखि बेलुका ५ बजेसम्म प्रवेश गर्न सकिने।
डिजिटल नेपालको यात्रामा एक कोसेढुङ्गा
सागर ग्रुपकी निर्देशक बुद्धलक्ष्मी मानन्धरका अनुसार यो एक्स्पो ग्राहकहरूका लागि फिडब्याक दिने र डिलरहरूका लागि नयाँ सम्बन्ध गाँस्ने साझा मञ्च हो। “हामीले उपभोक्ताका आवश्यकता बुझ्न र उनीहरूलाई उत्कृष्ट सेवा प्रदान गर्न यो प्लेटफर्म तयार गरेका हौं,” उहाँले बताउनुभयो।
त्यस्तै, क्यान महासंघका वरिष्ठ उपाध्यक्ष तथा वान कभरका सीईओ चिरञ्जीवी अधिकारीले यस मेलालाई नेपालको डिजिटल रूपान्तरणको मुख्य कडीको रूपमा व्याख्या गर्नुभयो। उहाँका अनुसार यसले ‘कन्जुमर टेक इकोसिस्टम’लाई सुदृढ बनाउन मद्दत पुर्याएको छ।
भविष्यको प्रविधिमा लगानी
नेपालकै सबैभन्दा ठूलो र लामो समयदेखि चल्दै आएको यो प्रिन्टर एक्स्पोले यसपटक 6G, Artificial Intelligence (AI), Internet of Things (IoT), Fintech, र Smart Mobility जस्ता आधुनिक प्रविधिहरूलाई समेत समेटेको छ।
For more: Baleyo Experience Nepal 2082
