SAFA अवार्ड २०२४ मा ADBL को ट्रिपल किर्तीमान; उत्कृष्ट वार्षिक प्रतिवेदन र सुशासनमा अन्तर्राष्ट्रिय सम्मान
१३ मंसिर, काठमाडौं।
कृषि विकास बैंक लिमिटेडले साउथ एशियन फेडेरेशन अफ एकाउन्टेन्ट्स (SAFA) द्वारा आयोजित समारोहमा एकै पटक तीन प्रतिष्ठित अवार्ड प्राप्त गरेर उल्लेखनीय सफलता हात पारेको छ।
पाकिस्तानको इस्लामाबादमा सम्पन्न कार्यक्रममा बैंकले ‘उत्कृष्ट प्रस्तुत वार्षिक प्रतिवेदन पुरस्कार’ (Best Presented Annual Report Award), ‘एकीकृत प्रतिवेदन पुरस्कार’ (Integrated Reporting Award) र ‘कर्पोरेट गभर्नेन्सका लागि सार्क वार्षिकोत्सव पुरस्कार २०२४’ (SAARC Anniversary Award for Corporate Governance Disclosure 2024) गरी सार्वजनिक क्षेत्रको बैंक श्रेणीमा तीन विधामा अवार्ड प्राप्त गरेको हो।
उक्त अवार्ड बैंकका प्रमुख कार्यकारी अधिकृत गोविन्द गुरुङले ग्रहण गरेको बैंक स्रोतले जनाएको छ।
Advertisement
बैंकका अनुसार, यो उपलब्धिले कृषि विकास बैंकले प्रदान गर्दै आएको सेवा, पारदर्शिता, उत्कृष्टता र सुदृढ सुशासनप्रतिको निरन्तर प्रतिबद्धता झल्काउँछ। साथै, यसले बैंकलाई अझ प्रभावकारी सेवामा उन्मुख गर्न, पारदर्शी वित्तीय प्रतिवेदनका माध्यमबाट सरोकारवालाहरूलाई विश्वसनीय सूचनाको प्रवाह सुदृढ गर्न प्रेरित गरेको छ।
यसअघि पनि कृषि विकास बैंक चार्टर्ड एकाउन्टेन्ट्स संस्थाबाट प्रदान गरिने राष्ट्रिय उत्कृष्ट वार्षिक प्रतिवेदन अवार्ड २०२४ बाट सम्मानित भइसकेको थियो।
SAFA अवार्ड दक्षिण एसियाली देशहरूबीच वित्तीय प्रतिवेदन, पारदर्शिता, सुशासन र उत्कृष्टताको मान्यतालाई उच्च प्रशंसा गर्ने प्रतिष्ठित मानिन्छ।
For More:-ADBL Triple SAFA Awards
