२० भदौ, काठमाडौं।
नेपाल राष्ट्र बैंकबाट भुक्तानी प्रणाली सञ्चालकको अनुमतिपत्र प्राप्त संस्था स्मार्ट च्वाईस टेक्नोलोजिज लिमिटेड (SCT) ले 3DS Access Control Server (ACS) सेवा सफलतापूर्वक सुरु गरेको छ ।
ACS विश्वव्यापी 3D Secure प्रोटोकलको एक महत्वपूर्ण अङ्ग हो, जसले कार्डधारकलाई अनलाइन कारोबार गर्दा प्रमाणीकरण प्रक्रियालाई सहज बनाउन मद्दत गर्छ । यसले डिजिटल भुक्तानीमा ठगीविरुद्ध उच्च स्तरको सुरक्षा सुनिश्चित गर्नेछ ।
Global IME Bank र NMB Bank आबद्ध
यस सेवामा आबद्ध हुने पहिलो बैंकका रूपमा Global IME Bank रहेको छ । त्यसपछि NMB Bank समेत यो सेवामा आबद्ध भइसकेको छ । यी सहकार्यहरूमार्फत दुवै बैंकका कार्डधारकहरूले अब अनलाइन कारोबार गर्दा अझ सुरक्षित र सहज प्रमाणीकरण सुविधा पाउने भएका छन् ।
डिजिटल भुक्तानीमा नयाँ प्रगति
SCT को यो पहल नेपालमा डिजिटल भुक्तानी क्षेत्रको नयाँ प्रगतिका रूपमा मानिएको छ । यसले अनलाइन किनमेल, टिकटिङ, र अन्य भुक्तानी प्रक्रियामा रियल–टाइम प्रमाणीकरण र ठगी रोकथाममा ठोस योगदान पुर्याउनेछ ।
नगदविहीन अर्थतन्त्रतर्फको टेवा
यस सेवाले ग्राहकको डिजिटल च्यानलप्रतिको विश्वास बढाउने मात्र होइन, नेपाललाई अन्तर्राष्ट्रिय भुक्तानी सेवा प्रदायक संस्थाहरूको सुरक्षा मापदण्डसँग नजिक ल्याउने अपेक्षा गरिएको छ । साथै, यसले नेपाललाई नगदविहीन अर्थतन्त्रतर्फको यात्रामा पनि महत्त्वपूर्ण टेवा पुर्याउनेछ ।
For more: ACS Service in Nepal
