दिनिता लामिछाने
काठमाडौं–नेपाल सर्टिफाइङ कम्पनीले डिजिटल हस्ताक्षर र पिकेआइयुक्त एप्लिकेसन तयारी’ बारे राजधानीमा अन्तक्र्रिया कार्यक्रम आयोजना गरेको छ ।
कार्यक्रममा नेपाल सर्टिफाइङ कम्पनीका अध्यक्ष विप्लबमान सिंहले डिजिटल हस्ताक्षरबारे आफ्नो प्रस्तुति दिएका थिए ।
उनले डिजिलट सामग्रीको सुरक्षा र कानुनी स्वामित्व ग्रहण गर्न डिजिटल हस्ताक्षर अनिवार्य भएको बताउँदै यसको कार्यान्वयनमा सरकारी निकाय, बैंक तथा वित्तीय संस्थालगायतले जोड दिनु पर्ने बताए ।
कार्यक्रममा भारतीय विज्ञ पवन शैनीले पिकेआइयुक्त एप्लिकेसन तयार गर्नेबारे आफ्नो प्रस्तुति दिएका थिए ।
यस्तै पूर्वमन्त्री गणेश साह, सूचना प्रविधि विभागका महानिर्देशक बीरेन्द्रकुमार मिश्र, प्रमाणिकरण नियन्त्रण कार्यालयका नियन्त्रक दीपक श्रेष्ठ, राष्ट्रिय योजना आयोगका सदस्य सुनिलबाबु श्रेष्ठलगायतले डिजिटल हस्ताक्षरको आवश्यकताबारे आआफ्नो धारणा राखेका थिए ।
भिडियो हेर्नको लागि तल क्लिक गर्नुहोस ।
कार्यान्वयन हुने भयो डिजिटल सिग्नेचर ।
Posted by AP1TV on Sunday, May 7, 2017
